今集內容總括：（含劇透）
啱啱睇咗《黑鏡》第三季第四集《聖朱尼佩洛》，不得不再次稱讚編劇團隊嘅想像力、創意同埋功力。呢集同《黑鏡》一向較為黑暗嘅風格有啲不同，結局帶點快樂正面嘅感覺。
內容背景設定喺未來世界，到時人死後可以透過科技將自己嘅意識投射喺某個城鎮入面，仲可以選特定嘅時代、環境，體驗無限制嘅新生活。故事一開始嘅時候，外表打扮樸素嘅女主角 Yorkie 入到一間夜店，邂逅迷人有活力嘅 Kelly，內心充滿不安嘅佢比 Yorkie 帶住跳舞，佢哋兩個互相被對方吸引，但因為 Yorkie 仍未完全釋放開自己，到佢想再搵 Kelly 嘅時候已經過咗午夜，佢亦都搵唔到 Kelly 了。
一星期後 Yorkie 再次嚟到 Tucker 酒吧，今次 Kelly 施展欲擒故縱嘅策略，然後佢哋一齊去咗 Kelly 嘅小屋，兩人第一次共度魚水之歡。而 Kelly 亦都向 Yorkie 透露佢嘅故事，原來佢丈夫已經去世，過身果時選擇唔留喺呢個地方，所以 Kelly 決定要喺呢度享樂。
之後 Kelly 同 Yorkie 講原来自己係病重之人，所以嚟 San Junipero 都係想尋找短暫嘅快樂姐。原來喺現實世界入面，Yorkie 21歲果時發生車禍癱瘓咗，佢向父母出櫃但得唔到接納，見到 Kelly 果晚其實係佢第一次來到San Junipero，果晚仲比佢邂逅到 Kelly，並且開展咗之後嘅情人關係。佢哋喺神父嘅見證下結婚，然後 Yorkie 就安詳離世了。
喺 San Junipero 入面，Yorkie 游說 Kelly 過渡（passover，亦即死亡）後都留低，但 Yorkie 好憤怒咁拒絕，因為佢同丈夫有個女，但個女好早離世，丈夫覺得既然個女都無福享受呢個虛擬系統帶來嘅快樂，咁佢就更加唔會使用啦，所以先離開佢，所以最後（似乎）都無選擇過渡，永遠留係呢個小鎮。但喺電影製作名單出來之後，電影情節又顯示 Kelly 返返去，同 Yorkie 共度美好生活，而且呢段時間仲配上輕快嘅歌曲 Heaven is a Place on Earth，所以大家都覺得 Kelly 選擇咗自己想要嘅生活方式。
不過之後睇其他影評，都有人話其實電影會唔會係呈現咗兩個結局，可能製作名單出嚟之後嘅只係其中一個結局嘅想像，或者 Yorkie 根本無返過去。所以結局究竟係點樣，就見仁見智啦。
觀後評：
今集同以往《黑鏡》嘅氛圍唔同，感覺比較有人性，而且集80年代懷舊氣息、同性戀等議題於一身，所以都俾唔少評論家覺得係比較突出嘅一集。而我自己睇呢集開頭果時，都曾經疑惑點解無咩講科技嘅部份，但果然導演無令人失望，劇集後半部分探討科技同記憶、意識嘅關係，而且最後80年代嘅音樂都好輕快，同埋配合電影情節。所以我覺得今集喺成個黑鏡系列入面算係鶴立雞群，值得推介！
